9º TRAIL DAS BESTAS - MURAS

Description

O próximo día 8 de novembro terá lugar en Muras unha nova edición do Trail das Bestas, que un ano máis levará as persoas incritas a percorrer a beleza da serra do Xistral. Un entorno único localizado ao norte da Terra Chá, na provincia de Lugo.

Modalidades

• Maratón: 43k, +2100 m D+
• Trail classic: 27k, +1400 m D+
• Trail curto: 14k, +700 m D+
• Mini trail: 8k, +350 m D+
• Andaina: 8k, +350 m D+

Inscripcións

O número de prazas máximo é de 600 persoas sendo un máximo de 75 para as probas de maratón e andaina e un máximo de 150 inscritas para o resto das modalidades. A organización gárdase o dereito a redistribuir o límite de prazas de cada proba, nunca superando o máximo de prazas previstas.

Peche de inscripcións 4 de novembro as 23h59.

Cesión/cambios ata o 28 de outubro as 23h59. No cambio de modalidade, o importe final deberá coincidir co prezo oficial da nova modalidade.

A baixa voluntaria, non presentación ou imposibilidade persoal non dá dereito á devolución.

As inscricións inclúen:

• Dorsal e cronometraxe
• Seguro
• Asistencia sanitaria
• Abastecementos
• Bolsa do corredor
• Seguimento xps para as probas trail classic e maratón
• Fotografías

Idade mínima

• Andaina: Poden participar menores acompañados de unha persoa adulta responsable.
• Mini trail: Idade mínima de 14 anos.
• Trail curto: Idade mínima de 16 anos (pendente de validación definitiva da Federación Galega de Atletismo).
• Trail classic e maratón: Idade mínima de 18 anos.

Prezos

• Maratón: 26€
• Trail classic: 22€
• Trail curto: 20€
• Mini trail: 13€
• Andaina: 13€

Recollida de dorsais

A recollida de dorsais será o propio día da proba con apertura da secretaría as 7h30. O peche de secretaría será por tramos podendo recoller o teu dorsal ata 15 minutos antes da túa saída. 

Haberá que pasar por cámara de chamadas. Peche da cámara de chamadas 5 minutos antes da saída de cada proba.

Saídas

• Maratón: 8h30
• Trail Classic: 10h00
• Trail Curto: 10h30
• Mini Trail: 11h00
• Andaina: 11h10

Material obrigatorio

• Maratón: 1l de auga, manta térmica, teléfono móbil e xps da organización.
• Trail Classic: 1l de auga, manta térmica, teléfono móbil e xps da organización.
• Trail Curto: 0,5l de auga, manta térmica e teléfono móbil.
• Mini Trail: Recoméndase levar auga e teléfono móbil.
• Andaina: Recoméndase levar auga, teléfono móbil e roupa axeitada.

Non levar enriba algún do material obrigatorio supondrá a descalificación automática da proba.

Seguridade

• A organización disporá dun dispositivo de seguridade, comunicación e asistencia sanitaria adaptado ás características da proba.
• As persoas participantes deberán cumprir en todo momento as indicacións da organización, dirección de carreira e persoal sanitario.
• A seguridade das persoas participantes prevalece sobre o resultado deportivo.

Categorías e trofeos

• Senior: Idade mínima ate 34 anos.
• Máster 1: De 35 a 49 anos.
• Máster 2: 50 anos ou máis.

Haberá trofeo xeral para as 3 primeiras persoas clasificadas de xénero masculino e xénero feminino de cada distancia. Logo haberá premios para as 3 primeiras persoas de xénero masculino e xénero feminino de cada categoría en cada unha das probas.

Os premios non son acumulativos.

A andaina ao ter carácter non competitivo non terá premios.

Medio natural

O Trail das Bestas celébrase nun contorno natural de especial valor. As persoas participantes deberán respectar o medio, a fauna, o gando, a vexetación, as propiedades e os elementos existentes ao longo do percorrido.

Normas da carreira

• Seguir o itinerario oficial · Prohibido recortar ou utilizar atallos.
• Dorsal sempre visible · Respectar controis e tempos de corte.
• Portar o dispositivo GPS da organización cando corresponda (43K e 27K).
• Atender en todo momento as indicacións da organización.
• As infraccións, penalizacións, descualificacións e reclamacións rexeranse pola normativa federativa aplicable, sen prexuízo das condicións particulares deste regulamento.

Meteoroloxía e seguridade

As condicións meteorolóxicas na Serra do Xistral poden variar rapidamente. Por razóns de seguridade, a organización poderá modificar o material obrigatorio, horarios, percorridos ou adoptar as medidas necesarias para garantir a seguridade das persoas participantes. Estas medidas poderán incluír a modificación, neutralización, redución, interrupción ou suspensión total ou parcial da proba.

Abandono e evacuación

• Toda persoa que abandone deberá comunicalo á organización, preferentemente nun punto de control, avituallamento ou mediante o procedemento indicado pola dirección de carreira.
• A evacuación dunha persoa retirada non implica necesariamente o seu traslado inmediato á meta. Os tempos dependerán da súa localización, accesibilidade e das prioridades do dispositivo de seguridade.
• A organización poderá retirar a unha persoa por estado físico, tempos de corte, meteoroloxía ou risco.

Protección de datos e imaxe

• Os datos persoais facilitados durante a inscrición serán tratados para a xestión da participación, seguros, cronometraxe, resultados e comunicacións relacionadas coa proba, conforme á normativa aplicable.
• Durante o evento poderán realizarse fotografías e gravacións audiovisuais con fins informativos, deportivos e promocionais relacionados coa proba, conforme á normativa aplicable.
• A formalización da inscrición implica a aceptación do presente regulamento e da normativa aplicable, así como a declaración da persoa participante de atoparse nas condicións físicas e técnicas adecuadas para afrontar a modalidade elixida.

Resultados

As clasificacións elaboraranse mediante o sistema de cronometraxe e os puntos de control establecidos pola organización, podendo utilizarse tamén a información dos dispositivos GPS de seguimento.

As penalizacións, descalificacións e reclamacións rexeranse pola normativa federativa aplicable.

---

Informations supplémentaires

L’organisateur n’a fourni aucune information supplémentaire pour cet événement.

---

Fichiers joints

Télécharger le règlement